Amdano Wythnos Gwirfoddolwyr
Wythnos Gwirfoddolwyr: Dathliad DU gyfan
Ymgyrch flynyddol DU gyfan yw Wythnos Gwirfoddolwyr sy'n cael ei chynnal o'r dydd Llun cyntaf ym mis Mehefin i ddathlu a chydnabod cyfraniadau gwirfoddolwyr.
Wedi'i lansio ym 1984, mae'r fenter hon wedi bod ar waith ers dros 40 mlynedd, yn rhoi llwyfan i fudiadau a chymunedau ddiolch i wirfoddolwyr presennol a blaenorol am eu hymdrechion amhrisiadwy.
Mae'r ymgyrch yn amlygu amrywiaeth ac undod gwaith gwirfoddol ledled y DU. Yn ei 40fed flwyddyn, cafodd yr ymgyrch ei hail-frandio er mwyn dangos ochr fywiog a modern i gadw diddordeb pobl.
Mae Wythnos Gwirfoddolwyr yn meithrin cysylltiadau rhwng mudiadau cenedlaethol a grwpiau llawr gwlad, gan ddathlu ysbryd gwirfoddoli sy'n cyfoethogi cymunedau bob blwyddyn.
Bydd dathliad 2027 yn rhedeg o ddydd Llun 7fed – dydd Sul 13eg Mehefin.
Gwerth gwirfoddoli
Mae gwirfoddoli yn elfen hanfodol o gymdeithas y DU, gyda miliynau yn cyfrannu eu hamser a'u sgiliau bob blwyddyn ledled yr Alban, Cymru, Lloegr a Gogledd Iwerddon. Mae'r ystadegau ysbrydoledig hyn yn amlygu cyfraniadau anhygoel gwirfoddolwyr a'r potensial am fwy fyth o ymgysylltiad ledled y DU.
Mae 14.2 miliwn o bobl yn y DU wedi gwirfoddoli'n ffurfiol o leiaf unwaith y mis
Ychwanegodd gwirfoddoli £4.6 biliwn mewn enillion cynhyrchiant i economi'r DU yn 2024
Gwnaeth 25 miliwn o bobl yn y DU wirfoddoli'n anffurfiol o leiaf unwaith yn ystod y flwyddyn
Mae'r ystadegau hyn yn tynnu sylw at gyfraniadau rhyfeddol gwirfoddolwyr ledled y DU. Gyda'n gilydd, gyda chefnogaeth mudiadau fel chi, gallwn barhau i gynyddu effaith gwirfoddoli a chreu cymunedau cryfach a mwy cysylltiedig.
Darperir y ffigurau uchod gan y Gwasanaeth Gwirfoddol Brenhinol ac NCVO .
Uchafbwyntiau Wythnos Gwirfoddolwyr y Gorffennol
Bob blwyddyn, caiff Wythnos Gwirfoddolwyr ei dathlu ledled y DU mewn lliaws o wahanol ffyrdd. Mae gweld mwy o bobl, mudiadau a grwpiau yn cymryd rhan bob blwyddyn ac yn dathlu eu gwirfoddolwyr gwych a'r gymuned wirfoddoli yn ysbrydoledig. Edrychwch ar rai o uchafbwyntiau'r llynedd isod.
Mwy na
o bobl wedi'u cyrraedd ar draws sianeli'r wasg a thrwy gyfathrebiadau
Dros
o bobl wedi'u cyrraedd ar gyfryngau cymdeithasol
Mwy na
o danysgrifwyr wedi cymryd rhan
Cwestiynau Cyffredin
Mae'r ddogfen Cwestiynau Cyffredin hon yn ateb cwestiynau cyffredin am Wythnos Gwirfoddolwyr, gan gynnwys ffyrdd o gymryd rhan, sut gall mudiadau gymryd rhan, a ble i ddod o hyd i fwy o adnoddau a chymorth.
Partneriaid Cenedlaethol
Mae Wythnos Gwirfoddolwyr yn ymgyrch ledled y DU a reolir gan fudiadau arweiniol ym mhob gwlad, wedi'i theilwra i ddiwallu anghenion penodol. Mae pob gwlad yn addasu ei dull, fel cyfieithiadau Cymraeg yng Nghymru neu annerch Aelodau Senedd yr Alban yn yr Alban.
Rhennir adborth gan bob arweinydd drwy Fforwm Gwirfoddoli’r DU (UKVF), gan sicrhau cydweithio rhwng mudiadau lleol a chenedlaethol wrth gyflwyno’r ymgyrch yn effeithiol ledled y DU.
